first i would to thank Keith for his amazing articles and for his generosity to expand this informations over the world , thank you Keith lango :)
الوقفات ممكن تكون مجرد سحبات (عمل اوفلابات افضل فى الوقفات ) كيث لانجو
مقدمه
من كام سنه فاتو كتبت مقالتى اللى بعنوان
( درس بوز تو بوز و المفاتيح المنظمه ) . فى المقاله دى أنا بايد طريقه للوصول لأوفرلاب و دراج لعنصر و اللى هو فى نفس الوقت اعتقد يدى نتيجه مهذبه بأسلوب سريع و سهل و بمرور السنين كان ضرورى أغير رأيى عن مميزاتها كمجرد طريقه للعمل . فى المقاله اللى جايه دى اتمنى انى اوضح المشاكل اللى فى افكارى القديمه و اقدم حل افضل فى تحدر انشاء اوفلابينج و دراج مالهومش حل فى الأنيمشن بتاعك . عشان كدا عاوزك تفكر فى المقاله دى و كأنها تبرأ شخصى من افكارى القديمه بخصوص الموضوع دا . مع مرور العمر بيا كأنيمتور حسيت انها مسؤليتى انى اصلح اخطائى الخاصه . عشان كدا خليكو معايا على طول الخط وانا عمال أكسر نظرياتى الخاصه
المشكله
فى درسى القديم انا كتبت
وبالتالى بالنسبه للأوفسيت انا هفصل راسى عن عمودى الفقرى وهفضل عمودى الفقرى من وسطى عشان أخلى جذع الجسم يتدفق بطريقه معينه لبوز . بالأعتماد على لو انا عاوز الحركه تكون مقاده بالوسط ولا الراس هتحدد فى اى اتجاه انا هرحل الكيهات بتعتى . فى بعض الاوقات انا هفصل بعض المفاتيح و كل حاجه هتبان بشعه فى وضع معين او فى نقله معينه . طيب و انا ممكن افصلهم للخلف للحته دى . هيا طريقه رخيصه عشان نخلص من الاحساس الآلى دا فى التنقل بين الأوضاع . انا هرحل دوران الأيدى علشان تعمل فريم بعد ما الأيد توصل مكانها
المقاله خدمت ناس كتير كويس و وانيمتور كتير من اللى بيشتغلو بيقولو لى انهرده انهم مشكورين جدا لأنى كتبتها فى وقت كانو محتاجينها عشان يعرفو ازاى يخلصو الحجات دى . عشان كدا انا مشكور جدا . ومع ذلك المقاله الأساسيه مكانش مقدر ليها انها تكون نهايه الحديث , و زى ما انا ما بدأت أستوعب ان فى مشكله فى المبدأ دا . المشكله هى ان الطريقه دى لعمل الأوفلاب و الراج بتقدم مشاكل كتيره جدا فى الحركه عشان تستخدم بفاعليه كبيره وبدون ما تحتاج بشكل اساسى وقت كبير عشان تنضف الكلام دا بعد كدا . هو اصلا انا افترضت الطريق دى كطريقه "أسرع" عشان نعمل الأوفسيت و لاكن الوقت و الخبره علمونى ان فى الحقيقه العكس هو الأصح تماما. أقصد, الشغل بالطريقه دى يحتاج وقت أكتر عشان تنضف و مش اقل . يالا نعرف ليه
المثال الأول : طريقه فصل المفاتيح
يالا نبدأ بحته بلوكينج صغيره . الكركتر معموله مفتاحين رئيسين و اتنين بريك داون فى النص عشان تساعد فى تحديد الأرك بتاع الحركه و شويه اثاره . ادى الدوب شييت اللىب يمثل الحركه
و آدى الحركه و عشان خاطر الوضوح احنا هنسيب زوايا المنحنى لينير
لا يوجد أوفر لاب فى الحركه
قطعيا دا ميكانيكى ومحتاج شويه شغل . هو فيها شويه افكار حلوه للبريك داون, لاكن انت هتلاحظ ان جميع اجزاء الجسم بتتحرك و توصل لمكانها فى نفس الفريم. احنا محتاجين نبنى شويه اوفلاب هنا عشان نخللى الحجات تتوه من بعضها شويه. و بأستخدام الطريقه اللى انا حكيت عليها فوق انا هبدأ فى فصل المفاتيح المختلفه هنا وهناك عشان اعمل اوفلاب . ودا المنظر اللى المفروض الدوب شييت يكون عليه
على المدى البعيد احنا كدا صح فى الدرس بتاعى القديم. بس تعالو نشوف بقى الحركه
الأوفرلاب اتعمل عن طريق تفصل المفاتيح
أوووه...شكلها عاملا زى الخرده . أنا اقصد, انو من الصعب ان حد يقول انها افضل على أى نحو من النسخه اللينير الفلات القديمه. فى بعض الحجات بالفعل واضح انها اتعملها اوفست, لاكن فى مشاكل فى الحركه. محتاجه شغل كتير عشان تنعم الحركات المفجأه و النطرات و النطرات و اللغوشه اللى فى الحركه. ايه اللى حصل غلط ؟ فى ايام زمان انا ممكن ببساطه اضرب الغطس فى الكيرف اديتور وابدأ احرك التايم لاين وابدأ اظبط الكرفات عشان احاول انعم الحجات دى. وفى الأخر ممكن كل حاجه تبقى شغاله وتمام. ومع ذلك بعد شويه سنين من دا انا اكتشفت انى بطول شويه بالموضوع دا. شغلى بياخد وقت كتير من التنضيف و فى الأخر النتيجه مبتبقاش بالقوه اللى انا عاوزها بيها. دا غير ان كف ايدى بيورم من كتر من التقليب و التعديل فى الكيرف اديتور. الوضاعه و الظلمات فضلت تزحف عليا وكنت فى طريقى لدوامه كف الأيد وتزامن الأعراض عليا لو انا مصلحتش الكلام دا. عشان كدا زى باقى الأوقات فى مهنتى لما تقابلنى مشكله بقرر انو لازم يكون فى طرق افضل عشان اعملها ( هو دا اللغز و الدافع اللى ورا كل الدروس على موقعى , طبعا فى المفام الول . انا باخد نفسى للبحث عن طريقه افضل عشان اعمل الحجات دى و بعد كدا اتداولها مع الجميع)
:o
على أى حال , زى الأوقات اللى فاتتلما الاقى نفسى بكافح فى علم الطرق فى الجرافيكس بقف وبسأل نفسى السؤال البسيط اللى دايما بسأله
إزاى الأنيمتورز بتوع المدارس القديمه التقليديه و اللى كانو بيرسمو بأديهم كان ممكن يتعاملو مع الموقف دا؟؟
مكتنشى عندهم زرار سحرى صغير عشان يدوسو عليه عالكمبيوتر . طيب ازاى كانو بيديرو الموضوع دا ؟ ازاى بجد
القديم بقى جديد من تانى
زى ما ممكن تكون خمنت, الترحيك بالرسم اليدوى مافيهوش مربع صغير اسود سحرى عشان تزقه يمين وشمالى على شاشه الكمبيوتر عشان تاخد الأحساس بالدراج او الأوفرلابينج حين ما كانت رسوماتهم بتتلقط على 24 فريم فى الثانيه على شاشه كبيره. التحريك بالرسم اليدوى مكانشى فيه تايم لاين . ولا منحنيات حركه فى جراف اديتور عشان تظبطها . ولا ان بيتوين مجانى بيتعمل لوحده عشان تشوفو. كل اللى كان عندهم هو عقولهم وشويه ورق و قلم. عشان كدا ازاى كانو بيقدرو يعملو اوفرلابينج فى شغلهم ؟
بنفس الطريقه اللى جابو بيها كل حاجه فى التحريك بتاعهم . رسموه
ايوا, سخيف على ما يبدو, انا بقترح انك تقدر تحل المشكله دى بأنك تعمل رسومات أفضل. آآآه لاكن الدموع و البعياط هيزيد : " دا جرافيكس, يا أحمق ! مفهوش أى رسومات
هتقوللى كدا , يا صاحبى يا ابو مزاج. دلوقتى بص على شاشه الكمبيوتر بتاعك وانت شغال فى المايا او الأكس اس آى او ايا يكن البرنامج اللى بتستخدمه. انت شايف ايه ؟ هناك, قاعد قدام عينيك ؟ دى صوره , لأ ؟ صوره للحظه معينه من الوقت. فريم معين.ر...سمه ؟ صح , رسمه. مش مرسومه بالأيد , لاكن مرسومه بالكمبيوتر . ايوا فى كتير اوى من السحر و الالآعيب ورا البكسلات العظيمه دى, لاكن الجوهر الرئيسي ورا اللىى بيكدب عليك على الشاشه هو دا : الكمبيوتر بيعيد تقديم رسمه لبنيه حسابيه معينه واللى احنا بنسميها " كراكتر" . هو بمنتهى الأيمان بيرسم الصوره دى بناء على تحديداتك المحدده. أقصد : لو انت عاوز النتيجه تبان مختلفه عما هى عليه دلوقتى , فدى مسؤليتك . دا مجرد كمبيوتر غبى. جوهريا لو انت انيمتور عالكمبيوتر فأنت بتسوق واحد غبى: قلم ميكانيكى بترسم بيه. الرسومات دى بعد كدا بتتعرض بمعدل 24 فريم فى الثانيه على شاشه علشان تدى الأحساس بالحياه. مش بقلك , بظبط زى التحريك برسومات الأيد
طيب , دا معناه ايه بالنسبه لنا دلوقتى ؟ أعتقد اننا رمينا الطفل مع الحجات المحظوره. احنا محتاجين نفكر فى الحجات دى على انها رسومات, مش بيكسلات سحريه بتطير وممكن تصطادها بشبكه خيوط مش الحسابات. أوك, نرجع لنقاشنا الأساسى : ازاى ممكن نعمل اوفرلاب و دراج كويس فى التحريك لو احنا مبنستخدمشى الطريقه اللى فوق "مبدأ فصل مفاتيح الحركه " ؟ انت عارف الأجابه دلوقتى. عن طريق عمل رسومات افضل - رسومات تحط الأوفلاب على الصوره..يالا نكتشفها
مثال : الأوفلاب المرسوم
أوك, تعالى ناخد نفس المشهد اللى معانا فوق . وضعين , اتنين ريك داون , مفيش أوفست . وعشان نفتكر آدى صوره الدوب شييت تانى
تمام , كل حاجه متحاذيه زى شويه بط واقفين فى صف . وتانى عشان نفتكر , دا شكل الحركه بدون أوفرلاب فى الرسومات
لا يوجد أوفر لاب فى الحركه
دلوقتى أحنا اعادنا انشائها وهيا شكلها كدا مش كويس . دلوقتى, يالا ندخل فى الشغل
أولا, احنا محتاجين اننا ( نفكر ). نفكر, احنا عاوزين ايه بظبط اللى يقود الحركه ؟ احنا عاوزين ايه بظبط اللى يبقى وراه ؟ لما تكتشف دا بره مهاراتك التحريكيه المجنونه ساعتها انت مستعد انك تبدأ التعديل فى رسوماتك . أولا, تعالو نبص على البوز رقم واحد
مفيش حاجه خاصه, لاكن دا كويس. دلوقتى, قبل ما اروح بعيد اوى فى دا, خللينى اقول ان الطريقه دى هتبقى تقريبا كأنها هتتطلب منك انك تعمل "رسومات" إضافيه. هو دا, انتى هتعمل شويه شغل زياده هنا. "شغل زياده" ؟ انا فاكرك بتقول ان الطريقه دى افضل ؟! انت صغير يا لانجو ؟! آآه.فى البدايه يبدو انها ثفقه كليه. لاكن فاكر الطريقه اللى فاتت ؟ بص على الدوب شييت بتاع الأوفست المفصول مره تانيه. يالا , انا مستنى . انت شايف كل الأوفستات دى و الكى فريمات المفصوله ؟ انت لازم تنضف كووول دول, ولازم تخللى الحركه كلها بمنتهى النعومه , برده . عشان كدا لا يبدو انه مفيش شغل فى الطريقه التانيه . الفرق , وهو دا المفتاح, هو فين هتقضى الوقت
فكر فيها : اد ايه بتاخد وقت فى انك تظبط مكان جسم الكركتر فى الفيوبورت ؟ اجابتك تكون فوريه لو سمحت. مش محتاج تعمل تجربه. انت فقط هتمسك الكنترولر و شوف انت بتعمل ايه وبس . سريع , بسيط , مباشر . زى الرسومات تقريبا, هه ؟ أوك , طب دلوقتى بتاخد وقت اد ايه عشان تنضف شويه اوفستات عويصه مفصوله واللى بتعمل حركه غبيه عجيبه مريبه ؟ هل انت ممكن بسرعه و بسهوله تظبط حاجه وتبص عليها عشان تعرف انها صح ؟ طب ايه رايك فى تظبيط زوايا المنحنيات ؟ و فى الأخر انت بتبص على نسخ برفيو و شويه حجات عجيبه فى مكعب الأسباجيتى ( دا الأسم الجديد اللى بقيت اقولو على اى كيرف اديتور فى الثرى دى ). ها موافق , انت هتعمل شويه رسومات زياده فى الطريقه دى ( فى لغه الثرى دى : مفاتيح حركه ) , لاكن فى النهايه انت هتقضى جزء من الوقت عشان تنضف الحركه بعد كدا. مش مصدقنى ؟ تابع معايا وانت هتعرف ليه
دلوقتى يالا نبص عالمشهد تانى. واهو اول بريك داون ( دا كان فى البلوكينج الساسى اللى ابتدينا بيه ) تمام
دا و صلناله بس بالتعديل على اللى كان موجود هناك بس. مفيش مفاتيح جديده اتضافت
أوك, دلوقتى رسمه البريك داون التانيه
برده دا كان فى الأساسى , كل اللى بنعمله هو اننا بنغير مكان اجزاء جسم الكركتر هنا. مفيش مفاتيح جديده بتنضاف
انت شفت انا بعمل ايه هناك ؟ لاكن دلوقتى احنا عاوزين نعمل شويه دراج زياده على الحركه فى البدايه و النهايه, لاكن انا بردو عاوز اعمل شويه ايز وانا فيها نفسه. يالا نضرب عصفورين بحجر. عشان كدا انا قررت انى محتاج رسمه جديده فى بدايه الحركه قبل البريك داون السابق اللى هو اصلا معانا. بس حاجه صغيره عشان تساعد فى تحديد الأيز و ألوفرلاب شويه. ادى اللى انا عملتو بخصوص رسمه البريك داون الجديده دى
وزى بدايه الحركه فى الأول, انا عاوز احدد الحجات بشكل افضل فى نهايه الحركه. شويه ايز زياده, و شويه حلول للأوفرلاب. وادى اللى انا عملتو لرسمه البريك داون الأخيره
زى الأولانيه دى واحده جديده انا قررت انى اضيفها علشان تانى اساعد الأوفلاب و الأيزس. و تانى, الوضع الأخير , واللى انا ملمستوش على الأطلاق
مفيش حاجه معقده . خد بصه على الدوب شييت عشان تشوف شكلو عامل ازاى من تحت لتحت كدا
ببساطه, نظيف. مفيش شغل مجانين هنا. عباره عن مفتاحين زياده, لاكن ان وريتك ليه انا احتاجتهم. ايوا, الرسومات الزياده كانت فعاله جدا, لاكن هما اسلوب الشغل السليم. انا حاولت اشرح كل التفكير فى كل صوره جي بى جى عشان كدا اتمنى انك تقرا الكلام ومش تبص وخلاص عالصور الجميله دى
طب دلوقتى, يجى دور التست. شكلو هيبقى عامل ازاى لما نخلى البتاع دا يشتغل؟طيب, بص بنفسك بقى
اممم. مش وحش. لاكن هل هو افضل؟ اوك, وهما جنب بعض بقى
تمام, انت دلوقتى هتقبل ان مبدأ "الرسمومات" ادالنا نتيجه افضل من من مبدأ الفصل. احنا عندنا اوفست كويس, بقى عندنا شويه ايزيس اوت من الأوفست. انت ممكن بس تقول كدا بمجرد النظر عليها انها هتبقى اسهل بكتير للتنضيف عن الطريقه القديمه. شايف ازاى الأيد اليمين بتنط لبره و لجوه برده فى خط حركه فى الخاصه بطريقه الفصل ؟ شايف ازاى الراس ليها حركه مفجأه بذيئه فى القوس بتاعها ؟ وشايف ازاى الوسط تحس انه ناشف؟ و الأيد الشمال برده فيها شويه فوضى. انا اقصد, انها افضل من انك ميبقاش عندك لا دراجات ولا اوفرلابات اصلا, لاكن الشىء دا محتاج شغلى كتير. واناوظبطهاش اوى هنا. انا عملت طريقه الفصل بالطريقه اللى انا وضحتها فى الدرس القديم.أى واحد من النسختين دول من الحركه انت هتفضل انك تنضفها ؟ اى واحده انت تعتقد انها هتكون اسهل فى انك تنعمها وتبقى راضى عنها ؟ ايوا, انا برده بقول كدا
الخاتمه
تحذير أخير. طريقه العمل دي محتاجه حاجه بسيطه زياده. اقصد, انها محتاجه اننا نعرف بالفعل احنا بنعمل ايه. انا ممكندلوقتى اكون سامع دموع الحزن : "انت, دا مش عدل! انت عيل, يا لانجو !". أيوا, زعل زى ما يحصل, احنا لازم نكبر ونتعلم ازاى نحرك لو احنا عاوزين نشتغل بالطريقه دى. لاكن دا شىء كويس . انا اقصد, فكر فيها. دى الطريقه الوحيده اللى ممكن تخليك تعمل كدا لـ 80 سنه جايه. الطريقه الوحيده. أجيال من الأنيمتورز حجم من قبلنا . اتعلمو دا. واتعلموفى الخر ازاى يحركو . بلاش نكون راضيين وخلاص باكتشاف الموهبه و الصدف السعيده, لاكن بجد, و بصدق نعرف ازاى نحرك. ويا بقلك , لو انت مش متفق معايا , عادى. لاكن احنا جيل جديد من الأنيمتورز . هل احنا جادين فى الرغبه بمعرفه احنا بنعمل ايه ولا هنبقى مساجين على عكاز التكنولوجيا ؟ لو الكهربا اختفت, هل هنفضل عارفين ازاى نحرك ؟ دا سؤال حقانى و عادل و امين للجيل دا من ألنيمتورز. لو احنا اذكيا هندى اهتمام للناس اللى سبقونا , حتى لو كانو مشو طريقهم بقلم وشويه ورق
