Key, Breakdown and Inbetween "Showing the differences"

by : Muhammed AM. 

المفتاح و البريك داون و الأنبتويين واخرتها ايه 

اممممم , قلت اكلم شويه عن حاجه كانت بتلخبطنى كتير زمان , لعل وعسى يكون فى حد محتاجها اوا تكون بتلخبطه . عنفسى كنت بسمع التلت كلمات دول علطول بس مكتش افهم منهم غير الكى او المفتاح و الأتنين التانين هما كانو زى الدوامه...مببقاش فاهم ساعتها الكلام بيدور على ايه مع ان بعد كدا طلع الفرق واضح جدا بس فيما يبدو ان اختلاف المصادر التعليميه و فى نفس الوقت عدم قوه او مصداقيه بعض المصادر او عنطزه و عنجهيه بعض الناس بتخليهم يعلمونا غلط . طب يالا نشوف الفرق

مثال عشان نستوعب 

اتخيل معايا بمنتهى البساطه ان فى كوره اتحركت من النقطه 1 للنقطه 2 وانك حطيت مجرد مفتاحين وبس , مفتاحين اتنين و بس , واحد فى الأول وواحد فى الأخر , و شغلت اللى حصل هتلاقى ايه ؟ مجرد كوره اتحركت فى خط مستقيم ... كويس جدا

اذا الأتنين دول هما المفاتيح او الكيهات او الجولدن كى او الأستورى تيلنج كى او..............شفت مش قلت لك ان تعدد المصادر هو اللى بيلخبط الواحد فى البدايه

طيب دلوقتى انت عاوز تخللى الكوره دى اثناء حركتها بتطلع لفوق او بتنزل لتحت , خلينا دلوقتى فى انها بتطلع لفوق و كأنها يعنى بتنط من النقطه 1 عشان توصل للنقطه 2 , يبقى بمنتهى البساطه هتيجى فى النص و هتحط مفتاح ليها وهى فوق , عشان توضح اكتر الحركه بتاعتك و توضح مسار الحركه وتوضوح القصه بتاعتك..تمام

يبقى اذا المفتاح اللى حطيتو دا هو البريك داون او مفتاح تحديد مسار الحركه او مفتاح التوضيح او....او....مهما اختلف اسمو فهو فايدتو واحده ان مفتاح البريك داون دا بتستخدمه عشان تحدد مسار واضح للحركه بتاعتك و عشان تعمل فيه دراجات مثلا او اللى هيا الجهله بتوع التحريك هنا بيسموها السحبات وللأسف بيخلطو بينها و بين حجات كتير ( مش موضوعنا) المهم ان البريك داون فايدته واحده...طيب امال ايه بقى الأنبتوين دا يا ريس

اوباااااااا.زنقتنى انتا كدا و حطتنى فى خانه اليك....هتقولى طبعا اديك حطيت المفتاح اللى هيحدد القصه او الحركه ككل ( المفتاحين الأولانين ) وحطيت بعدهم المفتاح اللى هيحدد مسار الحركه ايه بظبط ( اللى هو البريك داون ) هتحط مفاتيح فين تانى يا عم محمد ؟؟؟؟ هقولك يا سيدى مش هحط دلوقتى ولونى ممكن احط مفاتيح تانى , بس ببساطه يا عم الفنان ان الأنبتوين كيز او مفاتيح الأنبتوين هيا بنسبه بسيطه المفاتيح الشفافه ( دا  كلام من وجهه نظرى الشخصيه ) هيا المفاتيح اللى مش موجوده فى التايم لاين او بمعنى اصح هى النقلات اللى البرنامج بتاعك بيفترضها و طبعا لما مبيعجبنيش الأفتراض دا بحاول اظبط النقلات دى فى الجراف اديتور من حيث ابطأ او اسرع لاكن لو معجبتنيش ساعتها انا حط مفاتيح تانى لاكن ساعتها هتبقى اسمها انبتويين لأنها مبتأثرشى على القصه او اتجاهها لاكن بتأثر على سرعتها ( برده رأى شخصى ) طيب يبقى طلعنا بأيه هنا ؟؟؟؟

   

لو الحركه بفرض انها هتتم فى 11 فريم من صفر لـ 10 و بفرض ان احنا هنخلى اتجاه الحركه فى النص اللى هو البريك داون " ومش شرط يكون فى النص بظبط " بظبط هيبقى التالى

الفريم رقم   0  مفتاح

الفريم رقم   1   انبتويين

الفريم رقم   2   انبتويين

الفريم رقم   3   انبتويين

الفريم رقم   4   انبتويين

الفريم رقم   5   بريك داون

الفريم رقم   6   انبتويين

الفريم رقم   7   انبتويين

الفريم رقم   8   انبتويين

الفريم رقم   9   انبتويين

الفريم رقم  10   مفتاح

******************** 

الأحمر    :    المفتاح

الأخضر   :   البريك داون

الأصفر   :   الأنبتويين 

  ********************

طيب نكلم شويه فى الثرى دى عشان برده ايه اقول حاجه بتدعم نظريتى من حيث المفاتيح الشفافه , طبعا انا هكلم على عزيزى المايا من فتره ظهر فيه كام اوبشن مالهومشى حل , غالبا فى الأصدار 2008 مثلا , تقريبا الكلام دا ظهر لما اوتوديسك استولت عليه , المهم ,ان فى اوبشن جميل ظهر لما بتدوس على مفتاح فى التايم لاين و بيديك 3 اختيارات حلوه وهما : انك تحول المفتاح الحالى لبريك داون او انك تحول البريك داون الحالى لمفتاح ( ودا مالوش غير معنى واحد ان دول المفاتيح الأساسيه اللى انت بتتحكم فيها ) وعلى فكره المايا بيديك الوان ظريفه عشان تفرق مفاتيحك من بعضها , طيب و الأختيار التالث هو انك تقولو حطللى انبتويين فى المكان دا , و ساعتها بتلاقى البرنامج كأنه فسحلك مكان فى التايم لاين لمفتاح , طبعا مفيش لون احمر و لا اخضر ظهر لاكن المفتاح شفاف لأنه عباره عن نقله او ترانزيشن .. انا لما الكلام دا ظهر فرحت جدا جدا , اخيرا بقى فى حاجه هتدعم نظريه المفاتيح الشفافه....بس برده بالرغم انها نظريتى الخاصه لاكن احب اقول انه لا غنى عن الأنبتويين اليدوى واتمنى فى اصدارات جايه فى المايا يدوك امكانيه انك تلون الأنبتوين والا هضطر اعملها اسكربت , بس انا عارف اوتوديسك مبتخليش نفسى فى حاجه...ومبروك علينا الموشن ترييل الرهيب اللى فى 2012 مبرووووك للأنيمتورز ... ولينا كلام تانى فى موضوع الأنبتويين و البريك داون